Hai vidas que darían para unha enciclopedia e outras que se contan nun titular. E tanto unhas coma outras resultan fascinantes no relato de que é capaz de debullar unha biografía nunhas liñas coa emoción de quen se achega a un vello amigo. Porque iso é o que leva facendo moitos anos Antonio Piñeiro nas columnas que publica semanalmente no xornal La Región e que este libro recompila para ofrecer un magnífico e apaixonante bosquexo da historia de Ourense e de Galcia, dentro e fóra das fronteiras territoriais.